Përmirësojeni kolesterolin me vaj ulliri (MBI TITULL VIDEO)

Një mori studimesh të realizuara për dekada të tëra kanë treguar dobitë e konsumimit të vajit të ullirit në shëndetin e zemrës.Studime të ndryshme jo vetëm që vërtetojnë se vaji i ullirit ul nivelin e LDL kolesterolit (të keq), por po ashtu rrit nivelet e HDL kolesterolit (të mirë). Studime të tjera tregojnë se vaji i ullirit ul kontraksionet e stomakut, duke ju bërë juve të ndjeheni më të ngopur. Dhe, kur vaji i ullirit është përdorur për të lyer bukën në vend të gjalpit, njerëzit që e kanë përdorur vajin kanë konsumuar 52 kaloni më pak se ata të cilët e kanë lyer bukën me gjalpë.
Mos u trembni nga ky vaj klasik, por mësoni gjithçka rreth tij dhe si ta përdorni më së miri.
Konsumoni më të mirin
Jo të gjithë vajrat e ullirit janë krijuar njëjtë. Vaji më i mirë i jep edhe shije më të mirë ushqimit tuaj. Andaj, mos kurseni në vajin e ullirit. Llojet kryesore të vajit të ullirit janë:

• Vaji i ullirit ekstra i virgjër – Ky lloj vaji, që ndonjëherë përshkruhet si “i presuar (i shtrydhur) në të ftohtë”, ka aciditetin më të ulët nga të gjithë vajrat e ullirit dhe plotëson standardet më të larta të shijes dhe aromës. Ky vaj po ashtu është shumë i dobishëm në uljen e kolesterolit dhe ofron shumë antioksidues.
• Vaj ulliri – Ndonjëherë i përshkruar si “i pastër”, ky është një përzierje e vajit të rafinuar të ullirit dhe vajit të ullirit ekstra të virgjër. Rafinimi largon ngjyrën, shijen dhe disa përbërës.

• Vaji i lehtë i ullirit – Ky lloj i vajit të ullirit nuk quhet “i lehtë” sepse ka më pak kalori. Vetëm se vaji i rafinuar përzihet me sasi të mjaftueshme të vajit të ullirit ekstra të virgjër për t’i dhënë atij një shije dhe ngjyrë më të lehtë.

Është e rëndësishme ta mbani vajin e ullirit të freskët. Shikoni datën e ekstraktimit ose afatin e përdorimit. Ndryshe nga vera e kuqe, vaji i ullirit është më mirë të përdoret sa më shpejtë pas shtrydhjes. Të gjitha vajrat oksidohen me kalimin e kohës dhe mund edhe të prishen.
Lëreni shishen e vajit të vjetër të hapur në diell për një javë ose afërsisht dhe pastaj merrni erë dhe gjuajeni. Këtë erë të vajit të prishur nuk do ta harroni kurrë. Andaj mbajeni vajin e ullirit gjithmonë në vend të errët, në dollap të freskët në shishe ose kanaçe të errët. Nxehtësia dhe drita janë armiqtë e vajit të ullirit. Nëse e mbani në vend të duhur, vaji i ullirit mund të zgjatë me vite. Nëse vaji është bërë i turbullt, vetitë e tij ushqyese mund të kenë ndryshuar; është koha ta hidhni atë dhe të blini një shishe të re. /mjeku/