Man United ofertë për Lionel Messin!

Manchester United e ka nisur një mision të "pamundur". Në mediat irlandeze sot gazetat kanë shkruar se Manchester United po bën gati një ofertë për blerjen e Lionel Messit.
Skuadrën kampione angleze thuhet se e ka shtyer të bëjë këtë ofertë deklarata e Johan Cruyff i cili tha se me ardhjen e Neymar, Barcelona mund ta shes Messin. Raportohet se oferta e United për Messin do të jetë plot 100 milion euro.

Sheva: Ronaldo duhet të qëndrojë te Reali

Legjenda e Milanit, Andriy Shevchenko, ka deklaruar se Cristiano Ronaldo do të bënte një gabim shumë të madh nëse do të largohej nga Real Madridi, tani kur Carlo Ancelotti u emërua trajner i ri.  Po raportohet se Ronaldo është duke e shqyrtuar një rikthim te Manchester United, por Shevchenko beson se ai do të bënte një gabim të madh në rast se do të vendoste të kthehej në Angli.

“Unë nuk e di pse Ronaldo do të dëshironte të largohej. Kur je te Reali, duhet të qëndrosh te Reali”.

“Ne të gjithë kemi pasur dëshirë të luajmë atje. Nuk ma merr mendja se mund të arrini më shumë në karrierë”.

“Jam i sigurt se Ancelotti do të jetë si mik për të gjithë, jo vetëm për Ronaldon. Ai do të tund Realin, por në mënyrën më të mirë, ai do të sjellë një frymë të re të freskët në klub. Unë jam i bindur se ai do të bindë Ronaldon që të qëndrojë dhe të jetë më i miri në botë. Nuk e di nëse ka ndonjë trajner që i përshtatet më shumë Realit. Ata janë të lindur për njëri-tjetrin”, ka thënë Shevchenko për AS.

Cavani arrin marrëveshje me Chelsean?

Sulmuesi uruguaian, Edinson Cavani, ka arritur marrëveshje me klubin londinez Chelsea, ku do të përfitojë 8.5 milionë euro në sezon.
Sipas Mediaset, agjentët e Cavanit tashmë kanë arritur marrëveshje me Chelsean, klub me të cilin uruguaiani do të nënshkruajë një kontratë për pesë vitet e ardhshme me përfitime prej 8.5 milionë euro në sezon.

Sidoqoftë, Chelsea nuk dëshiron që të paguajë klauzolën në kontratën e Napolit prej 63 milionë eurosh.

Cavani besohet se ka kërkuar një takim sy më sy me presidentin Aurelio De Laurentiis menjëherë pasi të përfundojë Kupa e Konfederatave, në mënyrë që ta bindë manjatin napolitan që të heqë dorë nga klauzola.

De Laurentiis besohet se refuzon që të takohet me Cavanin, pasi nuk dëshiron ta shesë lojtarin për një shumë më të vogël se sa ajo që është e caktuar në klauzolën e tij.

Nënshkrimi i Cavanit me Chelsean vjen pasi oferta e Cityt u refuzua nga Napoli dhe pasi Real Madridi është pranë transferimit të Luis Suarezit nga Liverpooli.

Qeni i Iscos e ka emrin Messi

Transferi ri i Real Madridit, Isco, ka bërë të ditur se e ka emëruar qenin e tij me emrin e yllit të Barcelonës, Lionel Messi, pasi që ai është një admirues i madh i argjentinasit.Mesfushori spanjoll edhe më parë gjatë karrierës ka shprehur admirimin për Barcelonën. Ai disa vite më parë kishte lavdëruar dyshen Xavi dhe Iniesta, teksa kishte thënë se Ronaldinho është inspirimi i tij.
“Unë e emërova qenin tim ‘Messi’, sepse Messi është më i miri në botë, e po ashtu është edhe qeni im”, ka shpjeguar Isco kur është pyetur për emrin unik të qenit të tij labrador.

Andrea Pirlo te Reali? (VIDEO)

Mesfushori i Juventusit, Andrea Pirlo, ka fituar edhe më shumë tifozë gjatë Kupës së Konfederatave, ashtu që Real Madridi ka rishfaqur interesimin për të. Përkundër moshës së tij (34 vjeç), italiani vazhdon të jetë sensacional në mesfushë duke bërë që Carlo Ancelotti ta kërkojë në Santiago Bernabeu.
Mediat spanjolle raportojnë se ish-trajneri i Milanit e dëshiron lojtarin e tij të dikurshëm ta ketë në dispozicion edhe te skuadra e re. Megjithatë, gjasat janë minimale që Bianconerët ta lejojnë yllin kryesor të mesfushës që t’i bashkohet një klubi tjetër.

VIDEO

Ja si ju pergjigj Xherdan Shaqiri gazetarit qe i tha ti je tradhetar..

Shikoni se si reagoi lojtari i Bayern Munich me prejardhje shqiptare Xherdan Shaqiri kur një gazetar i tha se ai është tradhëtar!!! Shaqiri u shpreh se me deshir do te luante me kombetaren shqiptare dhe ndihet plotesisht shqiptar dhe se asnje here nuk e ka trashtuar atdheun e vet, ai tregon qe asnje here nuk i eshte bere oferte te luan per kombetaren. Ai eshte i lumtur me arritjet e tij tek kombetarja zvicrrane si dhe tek ekipi gjerman qe fitoi te gjitha kupat e garave me te rendesishme Bayernit.

SHIKO  VIDEON

Nje lajm i keq per tifozat e Realit (VIDEO LAJM)

Kristiano Ronaldo ka refuzuar që të rinovojë kontratën me Realin, e cila përfundon pas dy sezonesh. Të paktën kështu bëjnë me dije mediat angleze. Sipas tyre, portugezi u ka thënë jo drejtuesve të Realit për kërkesën e rinovimit, duke nxitur kështu spekulimet për një largim të mundshëm. Për të janë të interesuara PSG dhe Mançester Junaited dhe nëse Ronaldo nuk pranon të rinovojë, Reali duhet ta shesë që këtë verë, në mënyrë që marrë paratë që shpenzoi për blerjen e tij.Ndryshe, sezonin e ardhshëm, duke qenë se ai do të kishte vetëm një vit kontrate, vlera e kartonit të tij do të përgjysmohej. Shitja e Ronaldos do ishte një goditje e rëndë për Realin, ndërkohë që vetëm një ditë më parë presidenti Florentino Perez deklaronte se ai do ta mbyllte karrierën në Madrid.

NDIQ VIDEON

Ibra dhe Silva qëndrojnë te PSG-ja

Presidenti i PSG-së, Nasser Al-Khelaifi, është betuar se do t’i mbajë në klub dy yjet, Zlatan Ibrahimovic dhe Thiago Silva, deri sa t’iu përfundojnë kontratat.Gjatë javëve të fundit ka pasur spekulime se dy yjet e klubit francez do të largohen gjatë verës, por presidenti i klubit i ka hedhur të gjitha këto poshtë duke iu dhënë fjalën tifozëve se do t’i mbajë që të dy në klub.
“Unë lexoj shumë spekulime në shtyp se ata do të largohen, por unë mund ta konfirmoj se Thiago Silva dhe Zlatan Ibrahimovic do të qëndrojnë këtu deri sa t’iu përfundojnë kontratat”, ka thënë presidenti i klubit në një konferencë për shtyp.

Spanja, në finale pas penaltive (VIDEO PENALTI)

Spanja është kualifikuar në finalen e Kupës së Konfederatave pasi ka mposhtur pas ekzekutimit të penaltive Italinë.
Mario Balotelli mungoi në këtë takim, duke përbërë mungesë të madhe, por inferior nuk u tregua Gilardino, i cili ishte mjaft i rrezikshëm. Italia shfaqi performancë të mirë deri në fund, duke u treguar solide, por kjo nuk mjaftoi.

Pjesa e parë ishte mjaft dinamike, me të dy skuadrat që sulmuan, por ishte Spanja që kishte rastet më të mira. Fernando Torres ishte shumë pranë golit, kur nuk arriti që pas një lëvizje të bukur të kalonte në epërsi Stuhinë e Kuqe.

Në pjesën e dytë u zhvillua një lojë tejet e baraspeshuar dhe herë herë monotone, duke bërë që kjo sfidë të vendosej në vazhdime pasi në kohën e rregullt rezultati ishte i barabartë pa gola.

Në vazhdime ndeshja ndryshoi shumë. Me të filluar pjesa e parë e vazhdimeve pranë golit ishte Italia, kur Giaccherini qëlloi shtyllën pingule të Iker Casillas, i cili nuk kishte kurrfar gjasash në këtë rast.

Spanja në pjesën e dytë të vazhdimeve ishte edhe më e rrezikshme se Italia. Presioni u rrit dhe pas një shtylle të Xavit, ishin disa sulme që për pak sa nuk përfunduan në portën italiane.

Në fund, sfida u desh që të vendosej nga penaltitë.  Të gjithë lojtarët ishin në formë nga penaltitë dhe u shfaqën të sigurtë, teksa portierët legjendarë Buffon dhe Casillas ishin pa gjasa. Në fund, Bonucci dështoi duke dërguar topin mbi portë, dhe duke kualifikuar Spanjën në finale.

Spanja në finale takohet me nikoqirin, Brazilin, sfidë kjo që zhvillohet të dielën në stadiumin legjendar, Maracana. 
NDIQ PENALTITE

Formacionet Itali-Spanje ! (NDIQ NDESHJEN LIVE)

NDIQ NDESHJEN LIVE KETU

Momenti kur Tevez arrin në Itali (VIDEO)

Carlos Tevez ka arritur në Itali. Sulmuesi argjentinas ka mbërritur në Torino ku do të prezantohet si lojtar i ri i Juventusit.
Tevez fluturoi aeroportin Malpensa në Milano ku u prit nga një grup i madh i tifozëve.
Tevez pritet që që të kaloj sot pasdite testet mjekësore ndërsa transferimi i tij ka kushtuar 10 milion funta.

VIDEO KETU

E nisë Guardiola, pa Shaqirin

Xherdan Shaqiri nuk do të jetë sot në stërvitjen e parë të Pep Guardiolës te Bayern Munchen.
Ylli kosovar me pasaportë zvicërane po vazhdon pushimet e tij në Zvicër. Shaqiri ka thënë se pas pushimit në Ibiza, tani është kthyer në Zvicër dhe po dëfrehet me vëllezërit e tij.
“Blick” ka publikuar disa momente nga pushimet e Shaqirit, ku ai shihet duke luajtur tenis.
Shaqiri do të kthehet në Bayern me 4 korrik, aty ku do të ketë bisedën e parë me Pep Guardiolën për të përcaktuar të ardhmen e tij nën drejtimin e trajnerit spanjoll.
NDIQ VIDEON

Sergio Ramos, edhe ky bën show (VIDEO)

Mbrojtësi i njohur spanjoll, Sergio Ramos ka treguar se di të bëjë gjëra të bukura edhe pse luan në pozitën e qendërmbrojtësit.
Ramos ka qenë atraktiv në stërvitjen me kombëtaren spanjolle. Gjersa lojtarët e tjerë stërviteshin pa top, Ramos terheku vëmendjen me lëvizjet e tij.
NDIQ VIDEON

Ancheloti do komandojë Realin e 167 golave (VIDEOLAJM)

Carlo Ancheloti do të mund të drejtojë një prej skuadrave me sulmin më të fortë. Lojtarë të tillë si Cristiano Ronaldo, Benzema, Jese, Morata, Isco, Ozil dhe Di Maria kanë shënuar 167 gola. Nëse mbahet parasysh se Real mund ti nxjerrë në shitje Higuain, Kaka dhe Callejon atëherë një kombinim i energjive të reja më ato ekzistuese mund të krijojë  një efekt edhe më të fuqishëm. Sulmi i Anxhelotit do të ketë në krye Ronaldon i mbështetur nga Benzema, Jese dhe Morata.
NDIQ VIDEON

Reali i Carlo Ancelottit

Nese Carlo Ancelotti do jete trajneri i Realit ky do jete formacioni qe ai deshiron.
Fotot e mesiperme do shihni lojtaret e e perzgjedhur dhe pozicionin ku do te luajne.

Kombëtarja, vlera e lojtarëve kuqezi është 31 milion euro

Barazimi 1-1 më Norvegjinë në “Qemal Stafa” ishte sfida e fundit e sezonit për të gjithë futbollistët e kombëtares shqiptare, për t’ia lënë më pas vendin përiudhës së pushimeve që për shumë prej tyre do të jetë e trazuar për shkak të tratativave për të ndryshuar ambient gjatë merkatos së verës. Sigurisht që jehona e dy rezultateve radhazi pozitive me Norvegjinë dhe mbi të gjitha klasifikimi i Shqipërisë në vendin e 38 në renditjen e FIFA-s ka ndikuar në rritjen e vlerës së kartonit të kuqezinjve, që gjithsesi në tregun e madh botëror të shitje-blerjeve të futbollistëve zënë një vend modest. Por sa vlen në total skuadra e Xhani De Biazit, që është pretendentja kryesore për vendin e dytë në Grupin E?

Duke u bazuar te shifrat e publikuara nga uebsajti i specializuar gjerman Transfermarkt, vlera totale e kombëtares shqiptare arrin 31. 150. 000 euro, raporton “Super Sport”. Për të sqaruar opinionin publik, në skuadrën e De Biazit janë përfshirë 26 futbollistët e listës anti – Norvegji, 3 të pezulluarit Cana, Roshi dhe Lila, të dëmtuarit Meha, Kukeli dhe Sadiku, si dhe dyshja e Odesa Chernomorec Vangjeli – Bakaj, pra në total janë 34 kuqezi.

Lorik Cana mbetet lojtari i kombëtares shqiptare me vlerën më të lartë të kartonit, që kap shifrën 3.3 milionë euro. Pas futbollistit të Lacios vijnë Samir Ujkani, që vlen 3 milionë euro, Mërgim Mavraj 2.25 milionë, Armend Dallku 1.5, Amir Abrashi 1.25 milionë, më pas Hamdi Salihi dhe Elis Bakaj me 1.1 milionë euro.

I vemti futbollist kuqezi që nuk është vlerësuar për cmimin e kartonit ndoshta për mungesë të informacionit, është mbrojtësi i Orebros në kampionatin suedez Ilir Berisha, ndërsa vlerën më të ulët të kartonit e kanë Erjon Bogdani 300 mijë, Ansi Agolli 350 mijë dhe Ervin Bulku 400 mijë euro.

Lojtari           Mosha  Vlera në euro

1- Etrit Berisha 24   1 000 000

2- Samir Ujkani 24   3 000 000

3- Orges Shehi 35   125 000

4- Lorik Cana 29      3 300 000

5- Renato Arapi 26  600 000

6- Kristi Vangjeli 27 1 000 000

7- Admir Teli 32       400 000

8- Tefik Osmani 27  300 000

9- Ilir Berisha 21      ?

10-Debatik Curri 29 1 000 000

11-M. Mavraj    27   2 250 000

12- Ansi Agolli  30   350 000

13- Elseid Hysaj 19  900 000

14- A. Dallku     29   1 500 000

15- Andi Lila 27       750 000

16-Burim Kukeli 29  600 000

17- Ergys Kace 19  900 000

18-Ervin Bulku 32   400 000

19-Sabien Lilaj 24  425 000

20-M. Basha 26      1 000 000

21-Alban Meha 26  1 000 000

22-J.Gjasula   27    800 000

23-V. Basha  22     600 000

24-Odise Roshi 22  600 000

25- Elis Bakaj 25    1 100 000

26-A. Vajushi 21    1 000 000

27-Valdet Rama 25 1 000 000

28-Amir Abrashi 23 1 250 000

29-Emiliano Vila 25  550 000

30-Azdren Llullaku 25 700 000

31- Edgar Cani 23   750 000

32- Hamdi Salihi 29  1 100 000

33-Erion Bogdani 36 300 000

34-Armando Sadiku 22 600 000

Totali 31.150.000 euro

Vijnë Llumnica e Shala, ikën Krasniqi

Kampioni në fuqi dhe fituesi i Kupës së Kosovës, FC Prishtina ka nisur të mendojë për sezonin e ardhshëm.

Kryeqytetasit të hënën pasdite në një konferencë për media, kanë zyrtarizuar përforcimet e para. Isuf Llumnica i Trepçës ‘89 dhe Flamur Shala i Ferronikelit, tani e tutje do të veshin fanellën “bardh e kaltër”.
Trajneri i Prishtinës, Afrim Tovërlani, është shprehur i kënaqur me dy përforcimet e para. Ai tha se skuadra e tij do të sjell edhe përforcime tjera në klub.
“Ju dëshirojë mirëseardhje në klubin tonë Isuf Llumnicës dhe Flamur Shalës. Jemi të kënaqur me angazhimin e këtyre dy lojtarëve, por ne do të sjellim edhe përforcime tjera”, ka thënë Tovërlani.
Ndërkohë, të lumtur që janë bërë pjesë e Prishtinës, janë shprehur edhe Llumnica e Shala. Llumnica edhe më parë ka qenë pjesë e klubit më të suksesshëm në vendin tonë. “Jam i lumtur që sërish jam pjesë e Prishtinës. Kam ardhur për t’i vazhduar sukseset e këtij klubi”, tha Llumnica.
Në këtë konferencë për media është bërë e ditur se futbollisti i Prishtinës, Besnik Krasniqi nuk do të jetë më pjesë e Prishtinës. Krasniqi dje në finalen kundër Ferizajt ka zhvilluar ndeshjen e fundit për ekipin kryeqytetas.
Sipas krerëve të Prishtinës, Krasniqi do të largohet nga kjo skuadër. Krasniqi sipas të gjitha gjasave karrierën do ta vazhdojë në Shqipëri tek Partizani i Tiranës. /Kosovapress/